يوميات شاب فى العشرين

تباً ! المنبه يضرب بنغمته المزعجة التى كرهتها لأنها تذكرنى انه موعد بداية يومى البائس  .... و لكن انا لا اريد ان استيقظ الأن و لكن عندى اشياء كثيرة يجب ان افعلها قبل الذهاب الى الكلية  , لدى بعض " الريبورتات " التى يجب انجز بعضها ... حسنا لابد من الاستيقاظ , هكذا يبدأ اليوم التقليدى الذى من الممكن ان يكون محفوظا لأننى عشته مرارا و تكرارا , من دون ان اذهب لأغسل وجهى بالماء الذى اعتقد انه ملوّث , اعكف على كتابى و اقوم بكتابة " الريبورت المطلوب منّى , و لا تسألنى " يعنى كنت فين امبارح معملتوش ليه ؟ " لانه كانت هناك مباراة برشلونة و انتر ميلان التى كانت تسبقها بعض " الكورسات "  المملة التى تضيع الوقت بكل تأكيد و لكن انا مضطر لأخذها لأنى ببساطة لا افهم " اللغة العبرية " التى يتحدث بها معظم " الدكاترة " فى المحاضرات و لا اعرف لماذا ! هل لأنى غبى من ان اكون فى هذه الكلية التى تنتقى العباقرة ؟ ام لأننى قد اتيت متأخراً الى المحاضرة بسبب سائق التاكسى الثرثار الذى يرشق كل شخص " ماشى فى حاله " بأقذر الشتائم من دون سبب حتى اوقعه حظه فى شخص " مفترى "  قام " بتظبيطه " و من هنا لهناك تمكنت من فض المشكلة و لكن بعد نصف ساعة  لأتذكر ان المحاضرة بدأت بالفعل , فأدخل السائق بالغصب الى التاكسى و اطلب منه الاسراع , فيظل يحدثنى عن زوجته " اللى مدوخاه فى حياته " و عن صولاته و جولاته فى عالم البلطجة و المخدرات و الخمرة و " النسوان " و عندها اعلم انه " مزراب كبير " و بالكاد يستطيع ان يشرب السيجارة التى بيده, ثم يتحول الحوار الى نتيجة المباراة فيذكرنى بأن " الانتر " قد فاز بدورى ابطال اوروبا ليزيد من يومى بؤساً و شقاءاً و لا يكتفى بهذا القدر الهائل من السخافة و " الأومليت " و حتى ينتهى المشوار كان لابد ان يختم اللقاء بأثنين من نكاته السخافة " نكت التكسجية " التى من الممكن ان تبصق فى وجهه لشدة مستوى " البيض " التى تحتوى عليه , ثم يصل بى الى باب الجامعة ثم اشكر الله كثيرا لاننى لو بقيت معه ثانية كان من الممكن ان احرق له التاكسى لكى  ارحم الناس من افعاله و لكى  اريحه من سباحته الطويلة فى بحور " الأومليت " .

ادخل الجامعة لكى اجد بعض الشباب " المتتامرين " او " الديابيانز " لا يستطيعون اغلاق افواههم التافهة -التى تنم عن افكار حساس الجيل- الا بعد ان يعاكسوا البنات الرايحين و الجايين ولا تقتصر المعاكسة على " يا جميل " و " يا قمر " و لكن تمتلىء " بالأومليت " ايضا , ولا ادرى مدى الاستفادة و النفع العظيمين التى تعود عليهم من هذا العمل الغير اخلاقى و الغير حضارى الذى قد يضطرنى فى احد الايام ازور جماعة من هذه الجماعات فى جنوب افريقيا التى اذا سلمت عليهم تختفى اعضائك التناسلية لكى اتعلم منهم كيف يفعلون ذلك  حتى اعاقب كل من تسول له نفسه بأن يعاكس اى بنت .. طالما الذوق مش جايب نتيجة بقا , ثم امشى قليلا او كثيرا حتى اصل الى باب الكلية " محراب العلم او " محراب العلم بحذف الميم و وضع القاف مكانها " , ادخل لأجد هذه المجموعة من الوجوه التى تحيط بى كل يوم حتى اننى تعودت عليها لدرجة اننى فى ايام " الريست " لا اقدر على فراقهم و اطوف " فيس بوك " كى اسعد برؤية صورهم حتى يطمئن قلبى ... مهلا هذا غير صحيح انا لا اطيق معظمهم من كثرة مشاهدتهم كل يوم فهؤلاء الذين يفردون شعورهم و هؤلاء المتملقات اللواتى يتباهين بجمالهن المفرط بمبدأ " القرد فى عين امه غزال " و هؤلاء الذين يعتقدون ان سر الحياة المقدس يكمن فى الدراسة فقط و هؤلاء اصحاب العضلات الهائلة التى حصلوا عليها " بالتنفيخ و الحقن " اقول لهم تباً لكم ! .. فالحياة لا تتطلب كل هذا التعقيد الذى تفعلونه بأنفسكم , و لكن عشان انا راجل ليبرالى اؤمن بحرية الفرد فأرجع و اقول كل واحد حر ما لم يضر و سيب العيال تأكل عيش  , ثم اذهب للمحاضرة اللعينة فلا  اجد مكان فى هذا المدرج التى تجمعت فيه  "امة لا اله الا الله" .. فألعن " مجانية التعليم " مجددا و ما فعلته بنا من يشقاء يبقينا طول الوقت فى حالة من الانبعاج الداخلى المتأجج المصاحب للانفشاخ الخارجى الذى ينتج عنه احساس بالذنب كل يوم , فأقرر ان اذهب لأخر المدرج  فلا اسمع او ارى شىء ثم اتكلم مع الزملاء و نحكى ما تيسر من "النكات القبيحة" حتى تسقط " كٌرَيَّاتنا " على الارض و اخذ قسطا من النوم الى نهاية المحاضرة المملة .

اخرج من المحاضرة و اقرر العودة الى منزلى لشدة الملل الذى اشعر به , انتظر تاكسى لكى يقلنّى الى المنزل , انتظر .... انتظر .... انتظر ... لا اجد تاكسى  ثم اتذكر ان التكسجية ربما تضايقوا مما قلته عليهم  و انا لو كنت اعرف ان التكوسة كدا مكونتش ركبت تكوسة , ثم اقرر ان اخذ الطريق الى المنزل مشيا و ادندن معى نفسى بعض الاغانى لكى اسلى نفسى فى الطريق الطويل الممل حتى تظهر احدى الشحاتات الكتينات التى اريد ان اجمعهم فى ميدان عام و اطلب اعدامهن دفعة واحدة لشدة معاناتى منهن حيث تأتى الشحاتة و تمسكنى من التيشيرت حتى يخيل لى انى سأعطيها " بلشلوت " فى وجهها  , و حقناً للدماء أمسك اعصابى و اتركها تذهب الى سبيلها سالمة , و اسير قليلا فأرى مجموعة من شباب الموتسيكلات - اعدائى الحقيقيين – يمشون فى زفة وسط الطريق بشكل غبى يقشعر له البدن و يسمعون اغانى الموتسيكلات اللعينة التى لم تؤلَّف الا لتتحدث عن الحشيش و الخمرة  وقليلا من  النسوان و غدر الزمان ثم التوبة و حب الله و الوطن , و هؤلاء الشباب – شباب الموتسيكلات – يشكلون العدو الحقيقى لى لأنهم يلحقون الضرر بى  لأنى مجبر على سماع هذه الاغانى التى تنم عن غباء مجحف و اصالة فى واقع الهبل و العبط الموجود على حافة الاوعى فى سلك الاحلام المتصل بعقل " عبد الباسط حمودة " - ابو تريكة الاغنية الشعبية ... اصل الى بيتى سالما و أحمد ربى على ذلك و اشكره كثيراً , ثم انجوا بنفسى و انام من المغرب حتى اريح عقلى و كل حواسى مما تشاهده فى كل يوم بائس يحدث لى ثم ادعو على كل من ضايقنى و عكر على صفو اليوم و ادعوا لأصحاب نظرية اليوجينيا التى انا من احد محبيها ثم انام ..

اليست حياة رتيبة لشاب عشريناتى زى الفل ؟!! ... و على رأى بلال فضل " انا سعيد بشقائى لأنى مصرى " .

خروج جمال و علاء من التحقيقات

جمال و علاء

هوا دا شكل مبارك الطبيعى اللى المفروض يكون عليه لكن فلوسنا هى اللى كانت مظبطاه .

منقولة من صفحة " حبشتكنات من و الى الشعب " http://on.fb.me/fw7pFl

شكراً لأبطال الحرية

لأنى انام مبكرا و استيقظ مبكرا لأننى اسمع كلام " ماما " , فكل يوم استيقظ من النوم افتح " اللاب توب بتاعى " لعلى اجد خبر مثل " اغتصاب حسنى مبارك فى ظروف غامضة ", " قتل حسنى مبارك من قبل السواق بتاعه " , كل هذه الامنيات كنت اتمناها قبل الثورة و لكن كل امنيتى و امانى الشعب كانت تكمن فى خبر واحد و هو " القاء القبض على مبارك و عيلاء و جمال " و عندما استيقظت منذ قليل وجدت كمية مهولة من " الهاشتاجات " على تويتر و لم اعلم  ماذا يدور من حولى و لكنّى كنت اعلم انه قد بدأ التحقيق مع " البقرة الضاحكة " و اولادها و عندما علمت خبر حبس مبارك عيلاء و جمال لا تستطيع ان تتخيل مدى الفرحة و السعادة الغامرة التى شعرت بها و فجأة شعرت أن ما نحلم به يتحقق و قررت ان اقرأ الفاتحة للشهداء الذين ضحوا بحياتهم الغالية ثمناً للحرية التى لولاهم ما كنا عشناها ولا تذوقناها و انا متأكد ان ارواحهم الطاهرة الغالية تطل علينا من السماء و تشاهد الاحداث بكل غبطة و سرور و يشعرون ان من استشهدوا من اجله صار حقيقة , فهنيئا لكم يا ابطالنا ... يا ابطال الحرية .

اننى اتخيل الأن مبارك و هو فى المستشفى بعدما قرر أن تصيبه ازمة قلبية فجأة و اتخيل وجهه الٌمجعد " المكرمش " الذى حفرت عليه خريطة مصر من كثرة السنوات التى قضاها فى سرقة الوطن و قد اصابته علامات الخيبة و الحزن و هو يلعن الايام " السودة " التى اوصلته لما هو عليه الأن و يبعث برسالة سريّة الى " سوزى " ليقول لها ( عاجبك يا وش النحس يا فقر ؟ و كنتى عايزة تجيبيلى جمال يبقى رئيس كمان ؟ علشان كانوا يغتصبونى بقا . ) , اتخيله و هو يتحدث مع المستشار بكل فخر و تملّق و عزة نفس كما كان رئيس سابقا و للحظة ينسى انه تنحى او " خُلع " و يقول للمستشار : انت ازاى تكلمنى كدا يا كلب انت ناسى انا مين ؟  ثم يستعيد عقله و يعتذر و يعرف انه  اصبح المخلوع و لا فائدة من هذه " الجعجعة " .

و اتخيل سوزان السيدة الاولى التى كانت تحلم بأن تظل السيدة الاولى بقية حياتها و هى صاحبة الاناقة و الازياء الراقية التى كانت عندما ترى اى سيدة تلبس مثلها كانت تكتفى اما تنفيها خارج البلاد او  مجرد قتلها , و اتخيلها  فى وسط براميل الكآبة و هى تتحسر على نجليها " الحرامية " و هم يذهبون الى " بورتو طرة " و لا يسعها الا البكاء فتـأتى فى رأسها فكرة و تقرر ان ترفع سماعة التليفون محاولة ان تتصل بأى وزير من الوزراء السابقين لكى يجد حلا سريعا لهذه الورطة و يحاول ان يخرجهم منها  و لكن تأتى محاولتها بالفشل و تتذكر ان كل الوزراء السابقين بما فيهم رئيس الوزراء قد حجزوا " سويت " فى فندق " بورتو طرة " و انهم الأن ينتظرون قدوم زوجها ليفتتح الاجتماع الأول لهم .

اتخيل جمال باشا الذى كان يحلم بأن يكون مثل " بابا " و كأنه يريد ان يكون طبيباً او مهندساً و لكن الثورة حالت بينه و بين حلم حياته لكى يلعن الحظ مثلما يفعل والده و يلعن هؤلاء الشباب الذين قاموا بالثورة و يلعن احمد عز المهندس " التكتيكى " الذى كان يهندس و يرتب كل شىء لجيمى , صاحب افكار التزوير و الذى كان يأمل فيه جمال ان يوصّله لكرسى الحكم و تصل حالته الى ان يلعن امه التى كانت صاحبة فكرة ان يصبح رئيساً مثل والده بل يلعن اليوم الذى قدم فيه للحياة ليشاهد كمية الذل الذى تعرض لها و احب فى هذه اللحظة ان أُذكّره ان هذه الكمية مجرد جرعة صغيرة لما سيحدث فى المستقبل فعليك بالأستعداد .

لا يخفى على مخيلتى علاء مبارك هذا الشاب الذى كان بعيدا عن السلطة الذى كان يقنعنا بأنه " حد طيوب و لذوذ " و لكن سبب بعده عن السلطة لم يكن لأنها " كُخَّة " و لكن لأنه كان يسرق المليارات فى الخفاء , و اتخيله بنفسه المحطمة المنهارة و هو يصرخ فى وجه اخيه و يقول : مش قلتلك نسيبها من اول يوم الناس نزلت فيه الشارع ؟ فالح اوى  يا اخويا لما قعدت تقول لأبوك انت و الزفت العادلى احنا مسيطرين و احنا مزفتين و تكتبله الخطابات اللى وديتنا فى ستين داهية .... منك لله يا فقر , و يبكى من شدة الندم ولا احد  يستطيع ان يتخيل ان هذا يحدث لهم و لكن هذه الحقيقة .

لا تلومنَّ لا انفسكم لأنكم من فعلتم بنفسكم كل هذا و انتم من " جوعتونا و سرقتونا و عذبتونا و بهدلتونا و سجنتونا " فقد آن الأوان ان نرد لكم الجميل و ان نفعل بكم ما فعلتموه بنا  فاستعدوا للعذاب .

ان ما اطلبه من النائب العام و المجلس العسكرى و القضاة ان تكون المحاكمة عادلة لكى يستريح اهالى الشهداء و لكى يرضى عنّا الله فى المرحلة القادمة و لا تنسوا ان الله يراكم و الشهداء يراقبونكم .

بدء التحقيق مع مبارك

 

بدء التحقيق مع مبارك " يا رب اعدااااااااااااام " .

احلى من الشرف مفيش

كان مستفزا ويصيب بالغثيان كالعادة مثل غيره من الخطابات التى تنم عن غباء متراكم منذ عقود طويلة مع نبره شحاتة و استعطاف لذوى القلوب الرحيمة من شعبنا الطيب و الحنون مصحوبة بنبرة " انا هوريكوا يا ولاد ال .... " و لأنى كنت افتقد مبارك وخطاباته فأن ما افرحنى هو ان اسمع صوته الجميل العذب الملىء بالحيوية بعكس ما كانوا يدعون بأن الرئيس قد اصابه شلل مما اقلقنى حتى سمعت صوته و علمت انه بخير و بكامل صحته مثل " البغل " أنكم لا تعلمون مدى حبى لهذا الكائن لدرجة اننى اريد ان اذهب اليه و اخرج احشائه خارج جسمه ليعلم ان لله حق .

لقد انعم الله على مبارك بشخصية قوية و كاريزما ينحنى لها اى انسان احتراماً و تبجيلاً , اتعلم هذا غير صحيح بالمرة ! . فكل خطاب كان يُذاع كان يثبت لى ان مبارك يمتلك كمية من الغباء داخل دماغه المتعفنة قد تسع البشر جميعا او تزيد , فكلما ظهر فى خطاب انقلب الناس عليه من شدة غباءه و تخلفه فى الحديث , مبارك يريدنا ان نذهب اليه فى شرم الشيخ و هذه حقيقة اتضحت من هذا الخطاب لقد افتقَدَنا كثرا و نحن كذلك . و بعدين يا حسنى ما انت كنت ساكت لازم تهيج الناس عليك؟؟ ولا هو غباء و خلاص ؟ , طيب انا اعمل ايه حاولت و الله أهدّى الناس الفترة اللى فاتت و اقولهم قد ايه انت كنت جميل حربا و سلما و لكن ما باليد حيلة انت اللى بتتغابى على نفسك وهو يعنى الخطاب كان  واقف فى " .... " اوى ؟ , وبعدين يا جماعة الراجل عنده حق شايف نفسه و اسرته متمرمطين فى كل حتة برة و جوة مصر يقعد ساكت كدا ؟؟ و انا اسف يا ريس و الله شوية العيال دى مكانتش تقصد انت عارف بقا المصريين لازم يعملوا برامج تتريق على الناس بس انا اسف انها جت فيك المرة دى .

حقيقة اخرى تضح من الخطاب و هى ان مبارك قد جهز نفسه للمثول امام النائب العام و اثبات براءته من كل التهم التى نسبت اليه و قد اخفى كل الاموال هو و سوزى و علاء و جمال و فى اعتقادى لن تنسب اليه تهمة قتل المتظاهرين ايضا و هتشوفوا . الامر ليس فقط انه برىء و لكن انقلبت الطاولة رأساً على عقب و انه سوف يتخذ موقفا قانونيا ضد اى شخص و اى قناة و اى جريدة حاولت تشويه سمعة سيادته الشريفة التى نعلم جميعا انها شريفة و على رأى الدقن " احلى من الشرف مفيش " .

اوجه شكرى و امتنانى و اعتزازى و كل حاجة تنفع تتقدم الى المجلس الاعلى للقوات " المسلُّخة"  (بالخاء انا قاصد ) التى لا تتوانى عن حماية الوطن المتمثل فى شخص مبارك و عن دورها فى حماية تهريب ثروته و عن دورها فى تقديم كل المساعدات له و برغم ان عندى بعض اللوم لها عن كل ذلك التأخير فى تهريب الثروات و لكنى سعيد فى نفس الوقت لأنهم انتهوا من هذه المهمة بنجاح حتى تخرج الينا " البقرة الضاحكة " من جديد  و نسمع صوتها الذى طالما افتقدناه جميعا .

ملخص حوار الجيش و المعتصمين

[gallery link="file" order="DESC"]









من الواضع لدى مجموعة كبيرة من الناس و انا انتمى لهذه المجموعة ان الجيش يخطىء و يتباطأ فى تحقيق مطالب الثورة التى قامت من اجلها الثورة اصلا  و ربما يتواطأ مع النظام السابق و رجاله , و اذا اردت مثالا على التباطؤ سترى انه يتم تأجيل محاكمات الذين تم القبض عليهم من الفاسدين و المستوليين على اراضى الدولة و مهدرى المال العام حيث يتم تأجيل المحاكمات كل فترة و بحجة معينة كل مرة ولا ادرى لماذا ! و بالرغم من ذلك فأن المطلب الاساسى فى هذه الفترة هو محاكمة مبارك باعتباره " الفلّ " الكبير بين فلول الحزب الوطنى , و لعلك تتعجب من الحكم الذى صدر ضد عمرو البحيرى فى 3 ايام فقط مع انه برىء و مع انه مدنى فلابد من محاكمته محاكمة مدنية  و لكن مبارك لم يحاكم لا محاكمة مدنية ولا محاكمة عسكرية برغم من وجود الاف الملفات التى تدينه و هى بحوزة النائب العام .

نرجع الى موضوعنا الاساسى و هو الجيش و ماحدث فى التحرير فجر امس يجعلنا نسأل انفسنا هل الجيش هو الذى فعل ذلك ام ان هناك عناصر اجنبية مندسة تنكرت فى زى الجيش و دخلت الميدان ؟ عزيزى المواطن " الساذج " هل بأمكانك الاعتقاد ان هناك من يرتدى زى الجيش و يقف بجوار جنود الجيش الاصليين عادى كدا ؟ و لم يلمحه اى جندى او ضابط من جنود الجيش مع العلم ان كل جندى فى الكتيبة  او السرية يعرف زملاؤه و يعرف قادته من الضباط جيدا و الا ميبقاش جيش بقى , و انا هنا لا اصدق الجيش فى هذه النقطة فهذا مبرر ساذج على فض الاعتصام بهذه القوة العنيفة .

من ناحية اخرى انا لا اصدق كل من قالوا ان الجيش قد اطلق رصاص على المعتصمين و لكن اصدق ان الجيش قد اطلق رصاص حى فى الهواء و بغزارة من " رشاشات الية " , هل تعتقد انه اذا اطلق جندى واحد من رشاشه الرصاص على المواطنين سيتوفى مواطن واحد ؟؟!  طبعا لا , بالتأكيد كان سيتوفى مئات المواطنين . و هذه النقطة انا اصدق الجيش فيها عندما قالوا ان اطلاق النار على المتظاهرين كان من عناصر اخرى ( و لكن خياللك ميروحش بعيد و تقول انهم الاجانب اللى لابسين لبس جيش ) اقصد عناصر تلبس زى مدنى بالتأكيد لكى لا يكونوا ظاهرين .

و الدليل الذى يؤكد وجود البلطجية هو حرق السيارتين ( سيارة الجيش و الاوتوبيس ) فكلنا نعلم ان هذه الاعمال التخريبية التى اعتدنا عليها منذ بدء الثورة لا تمت للثوار بصلة و هذا ما يؤكد لى وجود عناصر بلطجة و ليست عناصر متنكرة فى زى الجيش لأن هذه الحجة الرسمية للجيش عند كل غلطة " هناك عناصر اجنبية ترتدى زى الجيش هى من قامت بلأعتداء على المواطنين و اعتقالهم و تعذيبهم " .


هناك ايضا رأيين فى موضوع فض الاعتصام بالقوة , الاول يقول انه لم يكن يجب فض الاعتصام باستخدام القنابل المسيلة للدموع من قبل الامن المركزى و استخدام القوة المفرطة من الجيش المتمثلة فى الهراوات و الصواعق الكهربية و ايضا اعتقال عدد كبير من المعتصمين بلاضافة الى تكسير المنصات و السماعات و الخيام و انا مع هذا الرأى لان هذه همجية و احتقار لمجموعة من الشباب لا يرون ببساطة ان مطالبهم التى استشهد من اجلها نحو الألف شهيد تحققت بعد بل يرون اننا نرجع الى الوراء من كل النواحى .... الرأى الأخر يقول ان هؤلاء المعتصمين كانوا مخطئين عندما قرروا الاعتصام فى الميدان لأانه من المفروض عدم النزول اثناء حظر التجول و عدم تنظيم المظاهرات الا بعد اوقات العمل و فى العطلات و بذلك هو خالفوا القانون المتفق عليه و انا ارى فى هذا الرأى انه " بيض اومليت " , حيث اننا لم نفعل هذه الثورة لكى تضيع مننا بكل سهولة و لكى ننظر الى مطالبنا و هى لا تتحقق فمذا نفعل اذا كانت مسيرات يوم الجمعة غير مجدية ولا تعود علينا بالنغع الا بالقبض على رجل او رجلين من رجالة المخلوع لكى يكونوا مسكننا لطيفا و يتركوا مبارك فى شرم يلهو و يتمتع و احنا هنا يتحرق دم اللى خلفونا .

ان تبريرات الجيش عن ما حدث اجدها ضعيفة و " خايبة اوى " كفانا حديثا عن العناصر الاجنبية ( حتى عشان الاجانب زهقوا ) اذا كان الجيش يريد لنفسه الخروج من المأزق الذى يضع نفسه فيه كل جمعة ان يأمر بالقبض على مبارك و العائلة " الوسخة " و يتم محاكمتهم فى اسرع وقت فقد مر شهرين منذ خلعه و لم يتم حتى توجيه تهمة له من النائب العام سوى التهمة المعروفة " اهدار المال العام " و لكن الجيش اراه فى موقف المتواطىء مع اللص لا ادرى لماذا ربما يكون مبارك ( ماسك ذلة على طنطاوى ) الله اعلم ! .

و اذا لم يستجيب الجيش للمطالب فمن حق كل الشعب ان يعتصم و انا اؤيد الاعتصام للضغط على الجيش لانهم مبيمشوش الا بالعين الحمرة , و انا اريد من الجيش ان يظل فى الشارع و لا اريد بفض التباطؤ ان نرى المتظاهرين يهتفون برحيل الجيش كما فعل " احمد دومة " من الاءتلاف امس عندما قال اريدكم ان ترحلوا بأسرع وقت , و هذا غير ممكن على الاطلاق لأن الجيش هو الذى يحمينا الان و لكنه يحمى الفاسدين ايضا و يتواطأ معهم على حسبنا .

لقد ذكرت كل الأراء التى وردت من كل الناس حول موضوع اخلاء الميدان و لك حق الاختيار للرأى الذى تريده .

من الواضع لدى مجموعة كبيرة من الناس و انا انتمى لهذه المجموعة ان الجيش يخطىء و يتباطأ فى تحقيق مطالب الثورة التى قامت من اجلها الثورة اصلا  و ربما يتواطأ مع النظام السابق و رجاله , و اذا اردت مثالا على التباطؤ سترى انه يتم تأجيل محاكمات الذين تم القبض عليهم من الفاسدين و المستوليين على اراضى الدولة و مهدرى المال العام حيث يتم تأجيل المحاكمات كل فترة و بحجة معينة كل مرة ولا ادرى لماذا ! و بالرغم من ذلك فأن المطلب الاساسى فى هذه الفترة هو محاكمة مبارك باعتباره " الفلّ " الكبير بين فلول الحزب الوطنى , و لعلك تتعجب من الحكم الذى صدر ضد عمرو البحيرى فى 3 ايام فقط مع انه برىء و مع انه مدنى فلابد من محاكمته محاكمة مدنية  و لكن مبارك لم يحاكم لا محاكمة مدنية ولا محاكمة عسكرية برغم من وجود الاف الملفات التى تدينه و هى بحوزة النائب العام .

نرجع الى موضوعنا الاساسى و هو الجيش و ماحدث فى التحرير فجر امس يجعلنا نسأل انفسنا هل الجيش هو الذى فعل ذلك ام ان هناك عناصر اجنبية مندسة تنكرت فى زى الجيش و دخلت الميدان ؟ عزيزى المواطن " الساذج " هل بأمكانك الاعتقاد ان هناك من يرتدى زى الجيش و يقف بجوار جنود الجيش الاصليين عادى كدا ؟ و لم يلمحه اى جندى او ضابط من جنود الجيش مع العلم ان كل جندى فى الكتيبة  او السرية يعرف زملاؤه و يعرف قادته من الضباط جيدا و الا ميبقاش جيش بقى , و انا هنا لا اصدق الجيش فى هذه النقطة فهذا مبرر ساذج على فض الاعتصام بهذه القوة العنيفة .

من ناحية اخرى انا لا اصدق كل من قالوا ان الجيش قد اطلق رصاص على المعتصمين و لكن اصدق ان الجيش قد اطلق رصاص حى فى الهواء و بغزارة من " رشاشات الية " , هل تعتقد انه اذا اطلق جندى واحد من رشاشه الرصاص على المواطنين سيتوفى مواطن واحد ؟؟!  طبعا لا , بالتأكيد كان سيتوفى مئات المواطنين . و هذه النقطة انا اصدق الجيش فيها عندما قالوا ان اطلاق النار على المتظاهرين كان من عناصر اخرى ( و لكن خياللك ميروحش بعيد و تقول انهم الاجانب اللى لابسين لبس جيش ) اقصد عناصر تلبس زى مدنى بالتأكيد لكى لا يكونوا ظاهرين .

و الدليل الذى يؤكد وجود البلطجية هو حرق السيارتين ( سيارة الجيش و الاوتوبيس ) فكلنا نعلم ان هذه الاعمال التخريبية التى اعتدنا عليها منذ بدء الثورة لا تمت للثوار بصلة و هذا ما يؤكد لى وجود عناصر بلطجة و ليست عناصر متنكرة فى زى الجيش لأن هذه الحجة الرسمية للجيش عند كل غلطة " هناك عناصر اجنبية ترتدى زى الجيش هى من قامت بلأعتداء على المواطنين و اعتقالهم و تعذيبهم " .


هناك ايضا رأيين فى موضوع فض الاعتصام بالقوة , الاول يقول انه لم يكن يجب فض الاعتصام باستخدام القنابل المسيلة للدموع من قبل الامن المركزى و استخدام القوة المفرطة من الجيش المتمثلة فى الهراوات و الصواعق الكهربية و ايضا اعتقال عدد كبير من المعتصمين بلاضافة الى تكسير المنصات و السماعات و الخيام و انا مع هذا الرأى لان هذه همجية و احتقار لمجموعة من الشباب لا يرون ببساطة ان مطالبهم التى استشهد من اجلها نحو الألف شهيد تحققت بعد بل يرون اننا نرجع الى الوراء من كل النواحى .... الرأى الأخر يقول ان هؤلاء المعتصمين كانوا مخطئين عندما قرروا الاعتصام فى الميدان لأانه من المفروض عدم النزول اثناء حظر التجول و عدم تنظيم المظاهرات الا بعد اوقات العمل و فى العطلات و بذلك هو خالفوا القانون المتفق عليه و انا ارى فى هذا الرأى انه " بيض اومليت " , حيث اننا لم نفعل هذه الثورة لكى تضيع مننا بكل سهولة و لكى ننظر الى مطالبنا و هى لا تتحقق فمذا نفعل اذا كانت مسيرات يوم الجمعة غير مجدية ولا تعود علينا بالنغع الا بالقبض على رجل او رجلين من رجالة المخلوع لكى يكونوا مسكننا لطيفا و يتركوا مبارك فى شرم يلهو و يتمتع و احنا هنا يتحرق دم اللى خلفونا .

ان تبريرات الجيش عن ما حدث اجدها ضعيفة و " خايبة اوى " كفانا حديثا عن العناصر الاجنبية ( حتى عشان الاجانب زهقوا ) اذا كان الجيش يريد لنفسه الخروج من المأزق الذى يضع نفسه فيه كل جمعة ان يأمر بالقبض على مبارك و العائلة " الوسخة " و يتم محاكمتهم فى اسرع وقت فقد مر شهرين منذ خلعه و لم يتم حتى توجيه تهمة له من النائب العام سوى التهمة المعروفة " اهدار المال العام " و لكن الجيش اراه فى موقف المتواطىء مع اللص لا ادرى لماذا ربما يكون مبارك ( ماسك ذلة على طنطاوى ) الله اعلم ! .

و اذا لم يستجيب الجيش للمطالب فمن حق كل الشعب ان يعتصم و انا اؤيد الاعتصام للضغط على الجيش لانهم مبيمشوش الا بالعين الحمرة , و انا اريد من الجيش ان يظل فى الشارع و لا اريد بفض التباطؤ ان نرى المتظاهرين يهتفون برحيل الجيش كما فعل " احمد دومة " من الاءتلاف امس عندما قال اريدكم ان ترحلوا بأسرع وقت , و هذا غير ممكن على الاطلاق لأن الجيش هو الذى يحمينا الان و لكنه يحمى الفاسدين ايضا و يتواطأ معهم على حسبنا .

لقد ذكرت كل الأراء التى وردت من كل الناس حول موضوع اخلاء الميدان و لك حق الاختيار للرأى الذى تريده .

اصول السيس فى واقع التهييس

السيس هى كلمة مصرية بحتة يرجع اصلها الى العصر الفرعونى فى اعتقادى , و اعتقادى هذا لم يأتى من فراغ بل نتيجة اعوام من البحوث و التدوير و التفحيص و التمحيص حتى توصّلت للاصل الحقيقى لمفهوم " السيس " , و بعد تلك الفترة الغير قصيرة من البحث اقدر و بكل جراءة ان اخبركم ان "السيس" هو مفهوم نشأ فى عهد الملك " سيسى " من ملوك الاسرة الرابعة حيث اقًّر هذا التعبير كمفهوم و تياراجتماعى يعبر عن جماعة من الناس انت لست عضو منهم , و اطلق علىهم فى هذه الحقبة " السسيانين " كما اطلق على مذهبهم " سيس " .

عندما قدمت الحملة الفرنسية الى مصر بقيادة " نابليون " و قد احضر معه مجموعة من العلماء لدراسة الحياة فى مصر و كام من ضمن هؤلاء علماء اثار , و بفضل العالم الفرنسى " شامبليون " و فكه لحجر رشيد لكُنّا لا نزال نجهل حقيقة مفهوم " سيس " و كانت ستضيع فترة من اقوى الفترات الاجتماعية فى تاريخ مصر الفرعونى  . وهذا المفهوم كان مشروح بدقة شديدة فى اخر سطر على الحجر .

توالت السنين و اختفى مفهوم " سيس " حيث منع من الاستخدام فى عصر " محمد على " و احفاده و كان السبب واضحا ( لأنه تعبير عنصرى) و من هنا تم الغاء هذا المفهوم من قاموس الشعب المصرى الاجتماعى , الى ان عاد هذا المفهوم فى اواخر عهد حسنى مبارك لانه عهد قد تميز بالديمقراطية الواسعة " فشخ " و الحرية العميقة فى التعبير عن الرأى و تم اعادته على يد مجموعة من الشباب المثقف و المُحب للبحث و " الفشيخ " امثالى ولكنى لا احب التفاخر , و لكن دعنا ندخل فى صلب الموضوع .

"سيس " هو اسلوب حياة ( تيار اجتماعى كما ذكرنا ) و مفهوم اعتراض على جماعة اخرى و ايضا شعور تبادلى اى ان من حق اى جماعة من الناس  لهم اسلوب معين فى الحياة ان يطلقوا على جماعة اخرى ذات اسلوب يختلف عن اسلوب الجماعة الاولى كلمة "سيس " , مما يعنى ان هذا المفهوم اللعين هو سلاح ذو حدين حيث ترى الوجه الديمقراطى المتمثل فى حرية التعبير و الوجه العنصرى البغيض المتمثل فى عملبة النقد لمجرد الشكل او الاسلوب الذى لا يعجبك .

فى الواقع لكل منا مجموعة من الناس لا تعجبه فيطلق عليهم "سيس" فأنا لا يعجبنى مثلا " المتتامرين " لانهم بكل بساطة "سيس" من وجهة نظرى الشخصية العميقة و لا يعجبنى عدد كبير من الممثلين السيس و السياسيين السيس و كذا وكذا وكذا لانهم سيييييييييييييييييييس , فأنها اراها بكل وضوح حرية شخصية و اعتبرها حرية تعبير و من حقك ان تعتبرنى سيس اذا لم اكن اسير على نهجك و انا حقا لا ابالى .

*ملحوظة : حوار التاريخ دا اكيد من تأليفى ولا يمس للواقع بأى صلة :D :D :D

ذكريا عزمى .. يا حرامى

[youtube=http://www.youtube.com/watch?feature=player_embedded&v=WAM4OcgFivU]

الشحاذين

فى حاجة ميختلفش عليها اتنين انه مبقاش فيه ادب فى الدنيا ولا اخلاق , و الكلام دا ينطبق على اى حاجة فى مجتمعنا فى الايام دى حتى على الشحاذين او الشحاتين ( علشان بس لو حد سمعنى و انا بقول شحاذين ممكن يعملى حاجة وحشة ) الشحات بالانجليزى يعنى "beggar"  لكن هل تعتقد ان الشحات فى الدول الاوروبية زى الشحات فى مصر دلوقتى وسط هذه الاحداث المتوترة فى الشارع المصرى منذ 30 عام , طبعا لا .

الشحات الاوروبى دا راجل محترم و مثقف و مقتنع بمبدأ " الاختلاف فى الرأى لا يفسد للود قضية "فهذا ال "beggar" ينتظرك فى محطات القطار او فى ازقّة الشوارع لكى تعطيه اللى فيه النصيب  لكن هنا ممكن تلاقى الشحات نايم معاك فى اوضة النوم  , و لكى اثبت لك ان الشحات الاوروبى كبقية شعبه مثقف و محترم , من الممكن الا يكون الشحات فقير و لكنه يرى فى هذه المهنة مستقبله و هوايته المفضلة و وظيفته التى طالما حلم بها منذ نعومة اظافره ما اود ان اقوله ان الشحاتة فى الدول المتقدمة هى غاية و ليست و سيلة للنصب او ما شابه .

الشحاتين الايام دى بقت اخلاقهم فاسدة و مش عاجبانى و بقت فيه كمية بجاحة مش طبيعية , يعنى مثلا لما الشحات يتراخم عليك و يقولك " حاجة لله يا باشا " و انت عارف انه بيستهبل اصلا و لكن هيكون حظ امك اسود لو مكانش معاك فكة غير نص جنيه مثلا و اعطيتها له , فى الحالة دى هناك احتمالين : الاول انه ممكن ياخد الفلوس و يهزقك شوية و يقولك " نص جنيه يا معفن ؟؟  هو انا بشحت منك ؟" لكن الاحتمال الاصعب انه ممكن يرمى النص جنيه اللعين فى وشك و يمشى , و فى نوع تانى بقا من الشحاتين  و غالبا بتكون بنت او امرأة تجيلك بلطافة و ابتسامة تشوبها نظرة استغلالية وصولية بحتة متملقة و تقولك " مناديل يا باشا ؟ " و انت مش عايز مناديل يعنى  , ساعتها يبقى يوم امك اسود( اكتر من لو مكانش معاك نص جنيه ) و تجرى وراك و تشدك من ايدك و تمسك التيشيرت و تبهدلك لحد ما تشترى منها المناديل .

راحت فين اخلاق الشحاتين الطيبين بتوع زمان و الشعار الجميل اللى معنتش بسمعه " حسنة قليلة تمنع بلاوى كتيرة و هنيالك يا فاعل الخير " من غير ما حد يتراخم عليك و من غير تعصب شحتوى و تملق و انقشاع ( و محدش يسأل يعنى ايه انقشاع ) .

انا بس عايز اسأل هيحصل ايه لو الشحاتين اخلاقهم ترجع زى زمان و كل شحات " رجل و مرأة " يحاولوا يغيروا من اسلوبهم الشحتوى لانى قد اصابنى الملل و الضجر من قسوة المعاملة التى القاها على يد الشحاتين , لذلك اناشد كل الشحاتين اصحاب القلوب الرحيمة ان يكونوا لطفاء معنا و اطالبهم بالاقتناع بحرية التعبير يعنى مش معنى انى مش عايز مناديل  انك تجبرنى اخدها , فين بقى الديمقراطية اللى بننادى بيها .

حمى الله الوطن و المواطنين و الشحاتين

ضابط من أبطال الجيش المصري يكشف فضايح طنطاوي

و على فكرة انا مصدق الراجل دا جدا و عنده حق فى جزء د /عصام شرف  لانه لو شريف صحيح و عنده كرامة و حاسس انه بيمارس ضغط عليه  احسنله يستقيل .و الطنطاوى زعيم اونطة قائد الثورة المضادة

مقتطفات

غالبية الناس طوت صفحة د/السيد البدوى و اغفلت موقفه الذى يرقى الى مرتبة " الغباء " و " القمع الفكرى " عندما اقال استاذنا العظيم ابراهيم عيسى مؤسس الدستور الاصلى من منصب رئيس التحرير فور شرائه الجريدة لتتأكد لنا فى ذلك اليوم و تتكشف نظرية المؤامرة التى وقع ضحيتها ابراهيم عيسى و لكنى لن اقول مؤامرة مع من لانك تعرف هذا جيدا و لكن المصيبة ان هذا السيد البدوى بفعلته الحمقاء يظهر مبظهر الرجل المتواطىء او بالمعنى الامثل " الشيطان الاخرس الذى سكت عن الحق " فكم من رجل حر عارض مبارك فى شدة جبروته و الامثلة لا تحصى و لكن على سبيل الحصر منهم ابراهيم عيسى و حمدى قنديل و عبد الحليم قنديل و بلال فضل , و لكن بعد ما فعله هذا السيد البدوى رأيناه فى الثورة قد علا صوته و يريد الاشتراك فى الحوار مع نائب المخلوع و لن اتطرق الى باقى مواقفه فى الثورة التى توحى بالوطنية فى ظاهرها , و لكن ما يثير دهشتى هو كيف ينسى الناس مثل ذلك الموقف " النص كم " .

من ضمن الاشياء الكثيرة التى تغمرنى فى بحر"فقدان الامل فى الثورة " هو اللواء منصور العيسوى الذى احترمته عندما نزل امناء الشرطة فى مظاهرات ضده و عندها علمت انه محترم ( ما هو لو مكانش محترم زى العادلى و وجدى مكانش حد عمل مظاهرات ) و لكن على رأى الست "انما للصبر حدود" فاننى لا ارى شرطيا وحيدا فى الشارع , و للامانة انا ارى فقط عساكر المرور , و لكن ما يحدث من انفلات امنى مثل موقعة " ابو جلابية " تجعلنا نفكر فى اللواء منصور العيسوى حيث يأتى فى ذهنى اغنية جورج وسوف " منصور العيسوى لا بيقدم ولا يأخر " و انا لا افهم لماذا لا يوجد شرطى وحيد يوحد الله فى الشارع او فى استاد القاهرة امس ؟ و ان كانوا غير مستعدين للنزول لابد و ان يصدر اللواء بيان بذلك لكى نعرف ماذا يحدث باضبط ! و انا شخصيا ارى انه لابد من اقاله الضباط الذين يخالفون الاوامر و يرفضون حراسة هذه الممتلكات العامة و استبدالهم بعناصر مدنية مدربة  لحماية كل المنشئات من التخريب .

خبر رجوع امن الدولة للاجتماع برؤساء الجامعات تحت مسمى الامن الوطنى و الاطلاع على كشوف الطلاب امر مريب , حيث نشر موقع الدستور الاصلى هذا الخبر , يعيدنا هذا الخبر الى ما قبل 25 يناير و حاله كحال اى شىء يحدث فى مصر فكل الاشياء تعيدنا الى عصر ما قبل الثورة مجددا , و لكن هل يرتضى الطلاب او الثورا عموما هذه التدخلات مجددا ؟ و انا شخصيا بمجرد سماع اسم امن الدولة " بيجيلى  امساك " .

من الاخر بقا موعدنا يتجدد يوم الجمعة الجاى و عليكوا خير.

مُستمرُّون بهم أو بغيرهم .

هناك شىء لابد و ان نتفق عليه قبل ان ابدأ المقال , لم يفهم كل الشعب المصرى الثورة حقا و انا لا اقصد  التسفيه من غالبية شعبنا العظيم و لكنها حقيقة , من فهم الثورة هو من نزل الشارع و تظاهر من اجل اسقاط النظام و هو ايضا من ذهب للاستفتاء و قال لا , و اذا كان من قالوا لا عددهم 4 ملايين فهم من يهمونى و اذا قلنا ان من نزل فى المظاهرات 8 ملايين و اذا اردت ان تقول ان نصفهم من الاخوان المسلمين فسوف اقول لك الاخوان لم يفهموا الثورة برغم انهم كانوا يشكلون كتلة حرجة ايام المظاهرات و لهم فضل كبير فى نجاح الثورة و كذا و كذا , المثل يقول " يا نعيش عيشة فل يا نموت احنا الكل " و الاخوان لا يريدون ان يسيروا على طريق الشعب المصرى و لهم الحرية فى فعل ما يريدون .

ان اختفاء الاخوان المسلمين من ساحات التظاهر يشير الى معنى واحد و هو حصول الاخوان على ما يريدون و عدم احتياجهم لدعم الثوار بعد الان فكل من شاركوا فى مظاهرات الامس المطالبة بانقاذ الثورة من الثورة المضادة و محاكمة مبارك و " الحرس القديم " لا حظوا غياب الاخوان و لعلك تلاحظ انهم كانوا يشكلون الكتلة الحرجة فى الشارع قبل تنحى " المخلوع " ولا احد يستطيع ان يشكك فى وطنيتهم و لكن دعنى ايضا احدثك عن وطنية الاخوان قليلا , و يأتى السؤال " اللولبى" هل شارك الاخوان فى الثورة من اجل قهر الطاغية و انه واجب وطنى ؟ ام من اجل انهم كانوا محبوسين فى زجاجة و عندما خرج الشباب الى الشارع و أعلنوا عن ميلاد ثورتهم انفجرت الزجاجة التى تجمل بداخلها ايضا سنوات القمع لتعلن خروج الاخوان بحرية الى الحياة السياسية .

و لعلك تذكر ايضا ان بيان الجماعة الذى صدر قبل يوم 25 يناير يؤكد على ان الجماعة لن تشارك فى الثورة بصفتها الرسمية و لكن من حق شباب الجماعة ان يشاركوا بصفة مستقلة , و بعدما رجحت كفة الثورة و عرفوا انها " ثورة بجد " كانوا اول من شاركوا فى الحوار مع نائب المخلوع و بعد ذلك و لكى يضمنوا اغلبية مجلس مجلس الشعب القادم تم تشكيل حزبى الوسط و الحرية و العدالة و الحزب الثالث فى الطريق و لكنهم يقولون لك " ايها المواطن الساذج ان هذه الاحزاب لا تمثل الجماعة و ان نسيتنا فى مجلس الشعب لن تتجاوز 35% " و عليك ان تصدق ذلك ايها " الساذج " و بعدما تصالحت المصالح مع الحزب الوطنى ( و ذلك فى اعتقادى الخاص و انت غير مجبر على تصديقى ) اختفت تصريحات الاخوان عن ضرورة حماية الثورة و انقاذها و كل انصب كل تركيزهم الان على الانتخابات القادمة و تشكيل الاحزاب الجديدة لحصد اكبر عدد من المقاعد , و انشقاق عبد المنعم ابو الفتوح عن الجماعة ممكن ان يكون مسلل اخر لكى يرشح نفسه للرئاسة  على انه مستقل عن الاخوان و لكن فى حقيقة الامر  لا يزال مرتبط بالجماعة  مع كامل احترامى له .

اما عن موقف الجيش من الثورة فى هذه الايام فقد ذكرت فى مقالات سابقة عن تخاذل الجيش و تباطؤه و ربما تواطؤه فلماذا يريد الجيش ان يرجع بنا لايام القمع بعد ما فعله مع المتظاهرين امس بميدان التحرير من انقطاع للتيار الكهربى و لماذا لا نجد سرعة فى محاكمة " الحرس القديم " و محاكمة رأس الافعى " مبارك " كل ما نسمعه يوميا فى الصحف هو تجميد ارصدة كذا و كذا و كذا و منعهم من السفر , و على هذه الحال نسير نحن منذ تنحى المخلوع  لا ترى اى جديد فى البلاد سوى الاعلان الدستورى " الحمضان " ذو ال 62 مادة - دستور مصغر – تضعنا تصرفات الجيش امام موقف واضح و هو انه هناك سر غامض و حلقة مفقودة حيث اننا لا نعلم نوايا الجيش .

فى النهاية اود ان اقول اننا لسنا بحاجة الى الاخوان المسلمين لكى يحموا ثورتنا و سوف ننزل الشارع باستمرار لنطالب بتطهير البلاد و لكى نشعر الجميع بأن ثورتنا  مستمرة و لكى نضغط على الجيش لتحقيق مطالب ثورتنا المجيدة .

الثورة

http://www.youtube.com/watch?v=XVv-TQcLwZo

المحاكمة الشعبية للرئيس حسني مبارك بميدان التحرير

يوم الجمعة

الرئيس اللى جاى

ايا كان من اعلن عن نيته للترشح لرئاسة الجمهورية القادمة و بعيدا عن تأييدى لبعضهم أو دعمى لشخص معين منهم اريد ان اتحدث عن الرئيس القادم و عن احلامى بشخصيته و تفكيره و ثقافته و قربه من الناس و تهافته على خدمة مصلحة الشعب اولا بعيدا عن المصالح الشخصية ( و القرشين الى بيشيلهم لوقت زنقة زى صاحبنا )  اتركنى احدثك عن احلامى بالرئيس القادم و لكن دعنى احدثك بالعامية عشان الموضوع يبقى قشطة عليك و علينا .

الصفة الاولى أو الأمنية الاولى التى يجب ان تتواجد فى شخصية الرئيس القادم هى الثقافة و بالتأكيد الثقافة اهم صفة يجب ان تتواجد فى رئيس دولة فى هذا العصر و دولة من المفترض اننا نبدأ بنائها من جديد ( مش زى البطيخة اللى كانت بتحكمنا من 30 سنة,  ابو 50 % فى ثانوية عامة اللى انا متأكد ان عمر امه ما قرا كتاب يوحِّد ربنا فى حياته الغبية دى )  و يكون عنده ثقافة الحوار البناء ( مش طريقة الحوار بتاعة عمر سليمان) و يقبل نقد الشعب او الصحافة و ان يحترم فكر كل التيارات السياسية الموجودة على الساحة و ان تكون عنده ثقافة الرأى و الرأى الاخر و اهم شىء ان يكون عنده ثقافة الثورة  ( عارف يعنى ايه ثورة و يشيل كلمة قلة مندسة من قاموسه ) هذا بالنسبة للناحية الثقافية .

من الناحية العلمية , يجب يهتم بالبحث العلمى و قبل البحث العلمى يجب ان يهتم يالتعليم فى الابتدائى ( و كفايانا تخلف و غباء اظن 30 سنة جهل و تخلف كفاية اوى و يخللى المدارس شكلها حلو كدا علشان العيال نفسها تنشرح و يتعلموا بجد ) و ينفق ميزانية ضخمة على التعليم و البحث العلمى ( ميبقاش زى الحمار الى كان بيحكمنا الى كان بيطلع الاخير على دفعته دايما ) و ( يسمع للعيال الغلابة بتوع ثانوية عامة و يحاول يحارب الدروس الخصوصية مش لازم يوكل الوزير بالنيابة عنه و يكون عارف هو ايه اللى كان بيدايقه و بيحرق دمه ايام المدرسة و الجامعة و يغيره ) و اهم شىء فى الموضوع كله " يخللى دار الشروق هى اللى تطبع الكتب للعيال " .

و من ناحية التواصل الالكترونى مع الشعب ياريت يكون عنده تويتر و يرد على الناس لما تكلمه و لو حد اتخنق منه يعمله بلوك عادى و ياريت يشارك مهانا فى هاشتاج "نكت قبيحة" و يشتم اللى مش عاجبه عادى جدا زى ما كلنا بنعمل و يتريق على الناس زينا و يكون كمان عنده فيس بوك اكونت و يبقاله بروفايل مش بيدج و يخليه مسموح لكل الناس تضيفه مش " برايفت " و يبقى فاتح الشات و يكلم الناس عادى و يكتب بالفرانكو زينا  .

من المؤكد ان تكون شخصيته قيادية و ليست " دكتاتورية " فالقيادة تعنى اتخاذ القرارات المناسبة فى الاوقات المناسبة و ليست " عنترية " ( يعنى مش زى صاحبنا الغبى اللى مكانش بيعرف ياخد قرار لواحده بس و الله ربنا اللى كان  بيسترها معانا ) ان يكون لديه مهارات السادات فى القيادة و يبتعد عن دكتاتوريته و ان يؤمن بالأية الكريمة " و أمرهم شورى بينهم " ( يعنى هيحصل ايه لو استشار اللى حواليه , اجدع منه و بيعملوا كدا ) .

حاجات تانية كدا لازم تكون موجودة فى الرئيس اللى جاى , يعنى يكون بيفطر فول و طعمية زينا و بيشرب من نفس المية اللى جايبالنا امراض يعنى مش معنى انه بقى رئيس هيتنطط علينا و يجيب اكله من برا زى المخلوع و يصلى يوم الجمعة مع الناس بالجلابية زى كل الناس العاديين ما بتصلى و ينزل يصلى العيد برده بالجلابية و ينزل يصلى فى رمضان و يتسحر فول و طعمية برده , و نفسى يمشى فى الشارع من غير حراسة لانه بالتأكيد لو خللى الناس تحبه اكيد مش هيحتاج حراسة , لازم يلبس بدلة صناعة مصرية حتى " اللباس " صناعة مصرية عشان يشجع صناعة بلده و يخلينا نلبس من صنع بلدنا .

لازم يقف فى الطابور زينا و تسلم عليه كدا و انت واقف جنبه " ازيك يا ريس و اخبار المدام و الاولاد ايه " و عشان خاطرى يا ريت ما يبقاش اسم ابنه جمال  لاننى ممكن اعمل ثورة بسبب الاسم دا و ياريت كمان المدام ميبقاش ليها دعوة بأم السياسة يعنى تبقى زى زوجة اوباما قاعدة فى البيت تطبخله و تربى ولاده و لو كانت كبيرة شوية تفتح ملجأ اطفال و لا جمعية خيرية .

نفسى يهتم بالعلاقات الدولية و يكون فى تبادل ثقافى و تجارى بيننا و بين الدول التانية منبقاش منعزلين عن العالم الخارجى , و ياريت يا سيادة الرئيس القادم تهتم بالقضية الفلسطينية و بالعلاقات العربية و لو اى مصرى قاعد برة اشتكى من اى حاجة حقه يجيله وقتى احنا عايزين كارمة المصرى فوق كل اعتبار .

دى بعض تطلعاتى للرئيس القادم و ياريت كل واحد مننا يكون له احلام فى الرئيس اللى جاى .....  .

هنزل الجمعة

هنزل يوم الجمعة  عشان اطالب بمحاكمة صفوت الشريف و احمد فتحى سرور و زكريا عزمى .

هنزل يوم الجمعة علشان اعرف المجلس العسكرى ان الثورة لسة مستمرة و اننا هننقذ الثورة .

هنزل يوم الجمعة علشان حاسس ان البلد مبتتحركش و اننا رجعنا تانى لعصر ما قبل الثورة .

هنزل يوم الجمعة لانى حاسس بحالة ركود و تباطؤ من الحكومة و المجلس العسكرى .

هنزل يوم الجمعة لان اهالى الشهداء لسة مأخدوش تعويضات لحد دلوقتى .

هنزل يوم الجمعة لأطالب بأن حسنى مبارك لازم يتحاكم فى الميدان .

هنزل يوم الجمعة لأطالب باسترداد اموالنا من الخارج .

لو فى سبب تانى تنزل علشانه ياريت تنزل .

بحلم

http://www.youtube.com/watch?v=VcC-ehWT6qY

احنا زحمة

دستور يا اسيادنا

 

" الدستور عبارة عن بناء هندسى للحياة السياسية "

" ودنك منين يا جحا "  المثل واضح و مفهوم , لكن لماذا لا يعى المجلس الاعلى للقوات المسلحة معنى هذا المثل , و لماذا يريد ادخالنا فى مهاترات ليس لها اى فائدة سوى انها مضيعة للوقت , انتم تعرفون عما اتحدث انه " الدستور " حديث الساعة الان فى اى تجمعات  او اى حوارات  و ذلك لاننا فى فترة فراغ سياسى او بالأصح فراغ " دستورى " فمن المعروف ان الثورة تطيح بالدستور السابق لها , و لان سبب قيام كل الثورات هو الاحتجاج على نظام الحكم الذى يحكم وفقا للدستور فأن كل ثورة يعقبها دستور جديد يعبر عن مطالبها و عن حقوق شعبها  .

نرجع الى مرجوعنا " ودن جحا " , و قد سمعت ان الانتخابات الرئاسية  سيتم اجرائها فى شهر يونيو من العام القادم  بعيدا عن اعتراضى على وجود رئيس للجمهورية او مجلس شعب و شورى او اى مؤسسات مدنية من دون دستور  , فالسؤال يطرح نفسه : لماذا تم الاستفتاء على مواد معدلة من دستور ساقط و فى حين اذا قلنا نعم او لا ستجرى الانتخابات الرئاسية فى العام القادم و لماذا تم الاستفتاء بهذه السرعة ؟ و كان من الممكن ان يتم عمل اعلان دستورى و يعقبه دستور جديد ثم تأتى كل المؤسسات و المجالس المحلية و الرئيس الجديد و يسيروا وفقا للدستور الجديد .

و فى حوار له على قناة دريم ذكر الفقيه الدستورى د/ ابراهيم درويش انه كان يلزم وضع اعلان دستورى و لا حاجة للاستفتاء و على حد تعبيره " الاعلان الدستورى معناه ان حصل ثورة و بيتكون من عدة مواد لادارة شئون البلاد للعبور الى الاستقرار بنظام سياسى بدستور جديد "  كلام زى الفل و انا اتفق تماما مع الرجل و اى انسان عنده ذرة عقل سيكون متفق معه فنحن لم نستفيد من هذه التعديلات بل كان من الممكن اجراء اعلان دستورى يقولنا فى هذه المرحلة ولا فاءدة من انقسام الصفوف بين ابناء الشعب  .

" اللجنة لم تكن على مستوى الحدث " هكذا وصف لجنة وضع التعديلات الدستورية  و قال ان وضع دستور جديد لا بد ان يكون به نخبة من المفكرين و يشرف عليهم مجموعة من القانونيين , و تأتى المفاجأة فالمجلس الاعلى لم يختار نخبة من القوى السياسية و انما اختار شخص من جماعة الاخوان المسلمين و هو " صبحى صالح " فقط فكيف يفعل المجلس الاعلى هذه الحادثة التى تعتبر اقصاء لجميع القوى السياسية  فى مرحلة من المفترض لها ان تكون ديمقراطية اكثر من اى وقت مضى لأنها تخلف  الثورة .

و بذكر " صبحى صالح " الخبير الدستورى , يتوجب على ان اقول لكم اننى قد حضرت له مؤتمرا فى جامعة المنصورة قبل موعد الاستفتاء حيث نظم طلبة الاخوان المسلمون هذا المؤتمر و اى انسان عاقل طبعا من المفترض ان  عضو اللجنة التأسيسية يجب ان يكون محايد فى مسألة "نعم" او "لا" و لكن الغريب ان هذا الخبير الدستورى  كان يدعو الشباب الى ان يقولوا نعم للاستفتاء فكيف يكون مثل هذا الشخص من اللجنة التأسيسية التى وضعت التعديلات .

كما ذكر د/ ابراهيم درويش " اعتقاد ان هذه التعديلات تقود للاستقرار هو خطأ كبير " غير انه علق على نتيجة الاستفتاء قائلا " نسبة 77% دى فيها كلام كتير " لقد تحدثت من قبل عن ان الكوسة مازالت موجودة  فى ظل الاحداث الجارية و لكننى اريد ان اسأل الاخوان المسلمون و باقى الذين صوتوا بنعم  هل ما يحدث الان هو الاستقرار المنشود ام  ستة انتخابات فى الفترة المقبلة تؤدى للاستقرار ؟ .

فى حين ان تدخل المجلس العسكرى فى تعديل المادة 93 دون الرجوع الى اللجنة يعيدنا الى زمن المخلوع ثانية و هو شىء غير مقبول على الاطلاق و لا اعرف ماذا يخطط العسكر و لا اعرف نواياهم و لكن الشىء الوحيد الذى اعرفه هو اننى لازلت متمسك بهم و لازلت احبهم و اريد منهم البقاء حتى تستقر البلاد و حتى نشكل دستور جديد يسير عليه كل من يأتى فى الحكم و تسير عليه كل المجالس النيابية و المحلية .

يوتيوبيا التحرير

يامصر هانت وبانت كلها كام يوم... نهارنا نادي ونهار الندل مش باين الدولة مفضلش منها إلا حبة شوم.. لو مش مصدق تعالي ع الميدان عاين ياناس مفيش حاكم إلا من خيال محكوم.. واللي هيقعد في بيته بعدها خاين اللي هيقعد كأنه سلم التانيين للأمن بإيديه وقاله هما ساكنين فين.. وصلت لضرب الرصاص ع الخلق في الميادين حتى الجثث حجزوها اكمنهم خايفين.. يامصر أصبحنا أحياء وميتين مساجين فاللي هيقعد في بيته يبقى مش مفهوم.. واللي هينزل الهي حارسه صاين يامصر هانت وبانت كلها كام يوم.. نهارنا نادي ونهار الندل مش باين. نهارنا نادي وبايدينا علي فكرة.. الصبح عنده فضول راح نعمل إيه بكرة. إيده علي الباب وخايف يلمس الأكرة.. ادخل ياأستاذ براحتك والبلد حرة. إحنا زهقنا نشوف الصبح من برة.. ادخل وخرج بقايا العتمة بالمرة. الناس ديه حرة وجنود الأمن مضطرة.. ياصبح طلعت روحنا لجل تيجي ياخي. طالعين نجبيها أهو فى كل حارة وحي.. حتى لو ضربونا بالرصاص الحي. شوف المداين كدة مفروشة خلق وضي.. دايما مفاجأة ودايما وقتها معلوم. الحكم لينا وليك الحق يامداين.. يامصر هانت وبانت كلها كام يوم . نهارنا نادي ونهار الندل مش باين.. ياصف عسكر بدال الدرع شيلوة اثنين. 25 يناير ياشباب فاكرين.. كان فيه انجليز ووزير الداخلية تخين... كان عنده برضه عساكر زيكم جامدين. سابهم يموتوا علولا لم سأل فيهم.. كانوا شبهكم اساميكم اساميهم. ياعسكري البهوات اللي بتحميهم.. ممكن يردوا عليك لما تناديهم. ياعسكري أنا أصلي بس بستغرب.. لو لاقي تأكل وتشرب قوم ياعم اضرب. اضرب عشان الوزير من ضربتك يطرب.. لكن هتشتغل ايه لما الوزير يهرب. أما الشديد القوي القادر أبو القادر.. برميل تلامة نشع علي مصر من الآخر. لو شافته معددة تكتب ادب ساخر.. ثابت يقول للهرم ياكابتن اتاخر. ولم يزل معتقد ان الهرم هيقوم.. ادي الحجر والبشر قايمين ياسيد القوم. والدين هيترد ياللي عشت متداين.. يامصر هانت وبانت كلها كام يوم. نهارنا نادي ونهار الندل مش باين.. ده حكم أسرة ولا خوفو ولا خفرع. ولا وجع بطن يتعالج بزيت خروع.. عمل مسوجر بعيد عنك ولايطلع. جربنا فيه كل شىء ملقينا شىء ينفع.. ماطلعش بالأدوية جربنا ألف طبيب.. ولا بعطارة شيوخ ليهم بلح وزبيب. ولا بجحفل مغولى وضرب بالقباقيب. . عمل مسوجر وسفلي شغل تل أبيب. وشغل أمريكا متغلف وختمة عليه.. ضيف زارنا ياعم من غير دعوة لابس بيه. قعد 30 سنة مابيقولش قاعد لية.. والنية يديها لابنه النابغة بعديه. ويقول قضا وقدر بين البشر محتوم.. قولناله طيب ومين قال للقدر معلوم. واش عرفك يافخمتك بالذي كاين.. يامصر هانت وبانت كلها كام يوم.. نهارنا نادي ونهار الندل مش باين

هتسامحوهم ولا ايه ؟

و انا جالس على حاسوبى الشخصى (اللاب توب بتاعى ) و خاصة كنت على فيس بوك و تحديدا فى غياهب الجب بتاع فيس بوك و بدور على اصدقاء ممكن اكون عارفهم لان بيبقى فيه بينى و بينهم اصدقاء مشتركين , و بعيدا عن التفاخر بنفسى دعنى اقول لك انا عندى مشاهير كتير على حسابى فى فيس بوك , و اثناء بحثى عن اصدقاء جدد اجد نفسى امام " اكونت " غادة عبد الرازق , و فجأة و بدون تفكير وجدت نفسى ابعث لها اضافة , و هذا تصرف اى انسان طبيعى و لو كنت مكانى لفعلت ذلك ( اصلها ببساطة غادة عبد الرازق ) .

لم افكر وقتها و لم اتذكر ماذا كان رد فعل غادة من الثورة المصرية او من الرئيس مبارك لأننى للأمانة كنت مذهول لأنى وجدت " اكونتها" و لأنى ايضا لا احب التفاخر بنفسى تذكرت انى كنت اشارك فى الثورة و كنت خاربها يعنى , و بالتأكيد جال فى ذهنى ما قالته غادة عن الرئيس مبارك و عن انه " الكبير بتاعنا " و لازم نحترمه و كدا , فضلا عن المظاهرة الى طلعت فيها لتأييد المخلوع قبل التنحى و هتافها " مش هيمشى .. مش هيمشى" .

و لتذكَُّرى هذا الموقف البشع الذى اتذكر معه فيلم "غبى منه فيه" لما يوحى لى بالغباء و التخلف و عدم الاهتمام بأرواح الشهداء  قررت ان " اكنسل" الاضافة و لتذهب غادة عبد الرازق هى و " اكونتها " للجحيم و ليذهب كل من كان فى صف المخلوع للجحيم .

نظريا كل الناس او معظمهم يكره غادة و كل رفاقها من الخائنين و لكن عمليا اتوقع ان هذا الكره لن يدوم طويلا لدرجة ان لو غادة نزلت بفيلم جديد تمارس فيه دورها المعتاد " المومس",غالبية الناس هتروح السينما و تتفرج عادى وكأن شيئا لم يكن , و هنا السؤال يطرح نفسه : هل سيتم مسامحة كل من أخطئوافى حق الثوار و فى حق ثورتنا المباركة ؟ ام سيتم مقاطعتهم و مقاطعة اعمالهم التافهة التى لم تعجبنى قبل الثورة و حتى لو استمرت بعد الثورة لن تعجبنى .

نعلم جميعا ان غادة انشأت صفحة على فيس بوك لكى تبرر موقفها و تقول " انا كان قصدى انهم بيغلطوا فى الرئيس اللى هو راجل كبير فى السن و لازم الناس تحترمه " و لكن الصفحة لاقت هجوما شديدا و دعنى اذكرك ان هذا الهجوم هو من شباب الفيسبوك و لكن ماذا يكون رد فعل شباب الشارع و الناس العاديين ؟.

الخيار مفتوح امام الشعب المصرى لتحديد العقوبة المناسبة و تمنياتى ان تكون عقوبة رادعة لكل من اخطأ فى حق الشعب .

اشياء لا اجد لها سبب

و لا تزال مشكلتى او مشكلة بعض الناس- و اقصد بعض الناس لان غالبية الشعب المصرى لا يزال مغيبا سياسيا و اخباريا  اذا شئت ان تقول - هى الجيش و تحديدا موقف الجيش من الثورة و مستقبل الثورة بل موقفه من الشعب , و انا لا ارى اى خطوات ايجابية يتخذها المجلس العسكرى حتى الان , فلم يتم محاكمة مبارك او بدء التحقيق معه فى جريمة قتل المتظاهرين بل انه حر طليق يستمتع بحياته فى قصره و لا يزال يأكل "الكافيار" و عايش حياته عادى , ان كل من قاموا بلتحقيق معهم  صغار رجال  مبارك " اروجوزاته " و لم يلقوا القبض على الثلاثى الفاسد ( احمد فتحى سرور و ذكريا عزمى و صفوت الشريف ) الثلاثى الذى دمر الحياة بكل معانيها فى مصر لا ادرى لماذا كل هذا التباطؤ و الركود - اذا شئت - فى محاكمة هؤلاء الفاسدين الذين لا تزال اياديهم تتحرك بما يضر مصلحة البلاد .

و اذا اردنا التحدث عن حكومة د. عصام شرف فلن تجد اختلاف عن موقف المجلس العسكرى  فلم تتم ايضا اقالة باقى رموز الفساد و المتمثلة فى رؤساء الجامعات الفاسدين و المجالس المحلية و بعض المسؤولين الفاسدين فى الوزارات و ضباط امن الدولة الذين تم القبض عليهم و لم يتم التحقيق معهم بعد فلماذا هذه الوتيرة البطيئة فى التعامل مع مطالب الثورة  , انها ثورة و تستلزم السرعة فى القضاء على الفساد حتى لا يجمع شتاته مرة اخرى .

ان ما حدث بالامس من حريق نشب فى مبنى   الاتصالات فى وزارة الداخلية يؤكد ان جهاز امن الدولة الفاسد لا تزال يده تعمل فى الخفاء و تدبر المكائد و " الخوازيق " لكى تزعزع استقرار البلاد و هنا يأتى السؤال هل لا يزال جهاز امن الدولة يعمل بأسلوبه القذر القديم ؟ و هل لا يزال العادلى يأمر و ينهى ؟ .

و من جهة اخرى و حول زعزعة الاستقرار يأتى فى ذهنى مباشرة نتيجة التعديلات الدستورية و لكن دعنا نتكلم عن الاعلان الدستورى الذى سيصدر , فأنا اتسائل ايضا عن ما فائدة الاستفتاء اذا كان سيصدر ذلك الاعلان الدستورى الان فكان من الممكن ان  نكتب دستورا جديدا و يكون فيه المواد المعدلة و  يعرض الدستور للاستفتاء كاملا او على المواد المهمة منه و لكن اللى حصل حصل .

و تباعا لنتيجة الاستفتاء و التى كانت "نعم" فتجد هؤلاء الشيوخ من امثال ااستاذ محمد يعقوب يقول لقد انتصرنا فى "غزوة الصناديق" و كأنها كانت حرب و يقول " اللى مش عاجبه ان مصر تبقى اسلامية يروح امريكا " هذا الانسان المتخلف ذهنيا لا يعجبه المسيحيين مثلا او لا يريد ان يمنحهم حق الحياة فى مصر , ما هذا العقل المتخلف و الجاهل و المتعفن , لقد رأيتم من يصنع الفتنة الان  فانا اطالب بمحاسبة هؤلاء الاغبياء الذين يلعبون على وتر الدين و يخلطون الدين بالسياسة .

و الله الموفق

صفحة تجميع التوقيعات من أجل حقوق الإنسان المصري

http://dl.dropbox.com/u/3698770/signs.html

الواد محروس بتاع الوزير

بعيدا عن التعديلات الدستورية  و بعيدا عن " نعم" و "لا" و بعيدا عن الفريقين الذين ذهبوا للاستفتاء و عن الذين اعتقدوا انهم انتصروا على رموز العلمانية  و رموز الكفر فى اعتقادهم  و بعيدا عن ما حدث للبرادعى من تعدى  و ضرب و قذف بالحجارة  و " قلة ادب "  و تشويه للصورة  و انتقام غير مبرر السبب و بعيدا عن "الكوسة" التى رأيناها  نتيجة الاستفتاء و هذه المهزلة التى لا تصدق و لكن خلينا ندخل فى موضوعنا .

الواد محروس بتاع الوزير , طبعا كلنا عارفين فيلم عادل امام و محروس  دا كان دلدول اوى للوزير ,الثورة قامت لكن لا تزال هذه الشخصية موجودة و متأصلة و راسخة فى الاشخاص القريبين من الوزراء امثال السكيرتير و كدا يعنى , يعنى مثلا عندما كان حسنى مبارك - الله يجحمه - يذهب الى الانتخابات او الاستفتاء لابد و انت تجد بجانبه رجل "حامل المنديل"  و مهمة حامل المنديل تكمن فى انه يعطى الرئيس المنديل بعد ان يغمس صابعة فى  الحبر الفسفورى لم نرى هذا فى امريكا  او فى اوروبا , هذا التخلف موجود عندنا و بس .

الكلام دا قبل الثورة لكن مازال موجود بعد الثورة فترى عندما ذهب عمرو موسى الى المقر الانتخابى  لازم يكون فيه واحد جانبه بيقوله اتفضل ياباشا  و بيتاخر الناس من حواليه ! هو ليه كدا يا ناس يعنى قلنا ثورة و بتاع علشان كل الحاجات دى تختفى لكن مفيش فايدة فى اشخاص معينة من الشعب .

مثلا  لما كنت فى الاستفتاء ( اللى انا شخصيا بعتبره كوسة  بكل مافى الكلمة من معنى للكوسة ) لقيت واحد شاب لابس بدلة نازل على السلم  و نازل ادامه راجل زى الفراشين كدا مع احترامى الكامل و الاكيد للفراشين  المهم الفراش لقيته بيقول وسعوا يا جماعة للباشا فا قلتله باشا مين يعنى ؟ , قاللى سيادة المستشار رايح الحمام ,  فا انا استغربت يعنى هو المستشار دا رايح الحمام  و الراجل دا نازل معاه عشان يمسكله المناديل برده ؟؟

الظاهرة دى بتستفذنى اوى تماما زى ظاهرة ان الناس تقول لسواق التاكسى و السباك يا بشمهندس بحس وقتها باحساس " قذر لا يصدقه عقل " و زى ظواهر كتيرة احنا لازم نبطلها او اغلبنا لازم يبطلوها منها كلمة  "باشا" مع ان البشوية اتلغت من زمان و كمان لازم تتلغى من قاموسنا من النهاردة .

اسباب تخليك متقولش نعم

أنت بتقول "نعم" على التعديلات الدستورية ليه ؟ * خايف من البلطجية و عايز أ...من و استقرار ؟ السيطرة على البلطجية من اختصاص وزارة الداخلية , إيه علاقة الداخلية بتغيير الدستور ؟ هي "نعم" حتخلي البلطجية يروحوا ؟... * الاقصاد بايظ و البلد بتقع ؟ الاقتصاد من اختصاص وزارة المالية و الصناعة و التجارة . إيه علاقة دول بتغيير الدستور ؟ * مؤقت و حنعمل دستور جديد ؟ و منعملش دستور جديد من دلوقتي على طول ليه ؟ * عشان حياخد وقت طويل ؟ فقهاء الدستور و دكاترة القانون قالوا ان التعديلات دي تاخد كام ساعة , و قالوا ان عمل دستور جديد كامل لا يأخذ أكثر من 7 جلسات , يعني أسبوع , نديهم شهر كمان عشان الاطمئنان , فين الوقت الطويل ده ؟ * في ناس قالوا ياخد سنة و نصف ؟ و ياخد سنة و نصف ليه ؟ هما مش بيألفوه من دماغهم زي الرواية , دول مجرد بينقلوا من دساتير عالمية و قديمة , إيه بقى اللي يستدعي سنة و نصف ؟ * أصلهم عدلوا المواد الضرورية بس ؟ و هو تقليص صلاحيات الرئيس مش ضرورية ؟ أمال الثورة كلها قامت عشان إيه ؟؟ * ما هم حيقلصوها بعد كده في الدستور الجديد ؟ و مقلصوهاش معاهم في التعديل بالمرة ليه ؟ هو مش تعديل بتعديل ؟ اشمعنى دي ؟؟ * ليه نقبل بدستور مترقع فيه مواد متعارضة مع بعض ؟ لا مفيش تعارض ؟ أصل الدستور كله معطل لكن الحزء المعدل بس هو اللي البلد حتمشي به ؟ و بالنسبة للمواد الخاصة بالصحة و التعليم و ما إلى ذلك ؟ معطلة بردو ؟! البلد كلها حتمشي 6 شهور بمواد خاصة بالرئاسة و الحكم و البرلمان فقط ؟؟؟ * ليه أعمل انتخابات برلمانية الأول و الأحزاب لسة ملحقتش تتكون ؟ عشان الإخوان و الوطني بس هما اللي ياخدوا مقاعد ؟؟ * ليه أنتخب رئيس و أخليه يقسم على دستور مترقع ؟ ينفع تروح تشتغل في شركة و تعمل شغل لمديرك و بعدين تبقوا تكتبوا العقد بعدين بقى على مهلكم و على رواقة ؟ تضمن منين إن المدير ده مش حياكل عليك حقك ؟؟ * فتحي سرور كان في لجنة تعديل الدستور ليه ؟ * الحزب الوطني موافق على التعديل ليه ؟ و ماشي يوزع منشورات على الناس عشان يوافقوا ليه ؟ * تفتكر ليه نادي القضاة مش موافق على التعديلات دي ؟ مش ده شغلهم ؟ مع احترامي لكل اللي قال "نعم" بس مش القضاة أدرى بالصح و الغلط في الموضوع ده ؟ ينفع تبقى عيان و كل الدكاترة شايفة انك لازم تعمل عملية , ييجي محامي يقول لك خد الدوا و حتبقى كويس ؟؟   لو جاوبت على كل الأسئلة دي اجابات مقنعة لك قبل ما تكون مقنعة لي , روح يا سيدي قول "نعم" بضمير مستريح

منقول

لا للتعديلات الدستورية

تبعيات التصويت بنعم او بلا

الاخوان و السلفيين

موافقة الاخوان و السلفيين  على التعديلات الدستورية  ليس لأنهم يريدون الحفاظ على المادة الثانية من الدستور فلو انهم يريدون الحفاظ عليها الان و لو صوتوا بنعم فأنه ستجرى انتخابات مجلس الشعب و سيتم انتخاب لجنة تأسيسية لوضع دستور جديد و سيتم مناقشة المادة الثانية فى ذلك الوقت و لكن اذا اجريت الانتخابات البرلمانية فى ذلك الوقت نحن نعلم ان الكتلتين المنظمتين حاليا هما الاخوان المسلمين و الحزب الوطنى و لا نضمن ان يحصل الاخوان على اغلبية فى مجلس الشعب القادم  و ان حصلوا عليها فأن من حقهم تشكيل اللجنة التأسيسية لوضع الدستور الجديد  فبذلك سيقوموا بتشكيل دستور يليق بهم و " الترزية موجودين " و سوف يحافظون على المادة الثانية و سيعمل الدستور ايضا لخدمة مصالح الاخوان فقط لأنه وضع فى ظل لجنتهم التأسيسية التى لن تمثل الشعب طبعا لأن الشعب علمانى بأعتبار تفكير الاخوان و السلفيين و ربما نكون كفار ايضا بالنسبة اليهم .

الجمعية السلفية بالاسكندرية اصدرت بيانا بضرورة  النزول للاستفتاء و الموافقة على التعديلات الدستورية حيث ذكروا فى بيانهم  (تحث الدعوة السلفية جموع الشعب المصرى عامة - و ابناءها خاصة - على المشاركة و التصويت بالموافقة على التعديلات الدستورية المطروحة للاستفتاء بتاريخ 14 ربيع الثانى 1432 هجرية , الموافق 19 مارس 2011 ميلادية .

و ذلك بناء على ان فى هذه المشاركة الايجابية اعمالا لما تقرر فى الشرع الشريف من السعى فى تحصيل المصالح و تقليل المفاسد قدر الامكان و الله من وراء القصد. )

لا ادرى متى اصبحت الموافقة على التعديلات الدستورية فى الشرع , المصيبة ان الاخوان و السلفيين يقولون ان بعض الائمة و المشايخ قد افتوا بضرورة الموافقة على التعديلات الدستورية , ما هذا الهراء و الاستخفاف بعقول الشعب انا لا ادرى و لا اعرف اذا كان هناك نص فى القرأن او هناك شىء ما فى الشريعة الاسلامية تحث على الموافقة على التعديلات الدستورية فلم يكن فى عهد الرسول او الصحابة دستور اصلا  , او انهم خائفين من تغيير المادة الثانية  فكيف يضمنون اننا لو قلنا نعم للتعديلات ان هذه المادة لن تتغير الا لو كانوا هم اغلبية فى مجلس الشعب و هذا هو مبتغاهم من التعديلات الدستورية ان يكونوا اغلبية ليس الا .

من يقول ان الاخوان المسلمين يريدون دولة ديمقراطية فهذا هراء فكيف يحققوان الديمقراطية و هم يريدون الناس ان تسير كلها فى تيار واحد و ان يوافقوا كلهم على التعديلات المطروحة ؟ , اننى ارى ان هم يريدون تحويلنا الى دولة دكتاتورية او استكمال مشروع الدولة الدكتاتورية مرة اخرى .

و ان كانوا يريدون الحفاظ على المادة الثانية فنحن سوف نحافظ عليها ايضا مسلمين و مسيحيين و قد صرح أ\ جورج اسحق بهذا كما نعلم ان هناك كثير من المسيحيين يريدون الحفاظ على المادة الثانية و يلجأون اليها احيانا فى المحاكم الاسرية  لاختلاف الطوائف احيانا و لا ادرى كيف يفكرون حيث ان من سيضع الدستور الجديد سوف يكتبه على اساس الاغلبية الموحودة فى الدولة و هى المسلمون فالضرورة ستلزمه على ابقاء المادة الثانية .

السلفيين ايضا يقولون ان الذى يجعل الرئيس طاغية هو طول فترة  الحكم حيث انهم رؤوا ان التعديلات قد جعلت الفترة اربع سنوات , فقد تركوا كل صلاحيات الرئيس و ركزوا فى طول فترة الرئاسة  , ما هذا الفكر " التعبان اوى "  .

و لنذكر ايضا ان بيان الدعوة السلفية قبل ثورة 25 يناير  كان يحرم الخروج فى المظاهرات و كان سببهم المقنع جدا هو  خشية حدوث فتنة بين ابناء الشعب  يعنى احنا خارجين كلنا ضد الرئيس و سبحان الله هتحصل فتنة بيننا  , برغم انهم هم الذين احدثوا الفتنة فى احداث كنيسة اطفيح  , فقد تركوا واجب الخروج لمقاومة الظلم و ركزوا على الفتنى انا شايف ان الناس دى اتفه من انها تطلع بيانات و تقرفنا فى حياتنا  .

الامر الغريب ايضا انهم يريدون بشدة ان يكون الرئيس  القادم جده مصرى و زوجته مصرية حيث لا تتغرر بنا دول العالم و يقودنا الرئيس المشكوك فى امره الى الاحتلال و الاستعمار ,  فى هذه الحالة قد اثبتوا انهم عنصريين اكثر من النازيين انفسهم  فأنهم يركزون على نقاء العنصر , لان ذلك سوف يضر بالبلاد فى وقت تتربص فيه دول العالم بنا , فكيف يقولون ذلك و قد اصبح اوباما  الاسود  ذو الاصل الافريقى  و جده مسلم ان يكون رئيس للولايات المتحدة الامريكية ؟  هل انتم مثلا عباقرة و تفكرون احسن من بتوع امريكا يعنى ؟؟ كيف تمنع شخص مثل د. احمد زويل و د. محمد غنيم من الترشح للرئاسة بمجرد زواجهم من غير مصريات .

انا اريد كافة الشعب المصرى ان يفكر جيدا فى اختياره فى التعديلات و ان يرى ما فى مصلحة الوطن اولا  .

! Vote NO

حظ عاثر فى حياتى

−الحياة قصيرة جدا و معرفتها تحتاج الى وقت قصير ( هيبوقريطس ) .

−الحياة قصيرة جدا فاحرص على معرفة ما يدور حولك و الا ستحسر لحظات لن تتكرر ثانية ( بتاعتى انا ) .

اود انا اتجه الى شق معين و هو " الحياة قصيرة جدا فاحرص على معرفة ما يدور حولك " هذه المقولة من الممكن ان تصيبك و تصيبنى بالتوتر فانت لست بخمسين عين لكى ترى كل ما يحدث امامك فى العالم او فى بيتك على الاقل و تصيبك بالخوف ايضا لانك لن تستطيع مراقبة كل ما يدور حولك و تشعر انك تنطلق الى المجهول .

الانسان فى المتوسط يعيش حولى 75 عاما اى  27375 يوما  هل هذا الرقم كبير ؟؟ لا اعتقد ذلك و انا لا اود ان اصيبك بالتوتر و الاكتئاب و لكن الحياة تجرى بسرعة شديدة جدا لا نتخيلها , و حديثا فأننا نلاحظ هذا فى هذه الايام حيث يروى اجدادنا ان الحياة لم تكن سريعة فى ايامهم , تجد هذا الرقم قليلا نسبيا حيث لا تستطيع ان تحقق باقى احلامك ( مع العلم ان الانسان طماع بطبعه و بيموت من غير ما يحقق باقى احلامه طبعا ) و اذا كنت من اصحاب الحظ العاثر فأننا نتكلم عن احلامك كلها و ليس بعضها .

بغض النظر دعنا ندخل فى الموضوع ( دغرى ) .

من جهة اخرى ماذا لو كنت الاخير فى كل شىء او فى شىء تود الحصول عليه بشدة ممكن يكون حلمك الذى تود ان تحققه  بحيث يقولون لك ( احنا شطّبنا خلاص ) و ان تكون هذه اخر فرصة لك للحصول عليه , ما هذا الحظ العاثر " اللعنة ! " كما يقولون ترجمة الافلام .

و النماذج كثيرة فى نظرية " الحظ العاثر فى تحقيق الفرصة المنشودة " ( بتاعتى بردو) مثلا من الممكن ان يحالفك هذا الحظ العاثر فى ليلة زفافك -الليلة التى ينتظرها كل شاب - فتوافيك المنية و انت على باب غرفة النوم , فسبحان الله عزرائيل لم يجد شخصا " لائقا للموت " غيرك انت , ما هذا النحس الاسود  فأنت بانتظار ليلة العمر  بس مش مكتوبالك يا معلم  , لا بجد " سحقا !" .

ممكن ان تكون لاعب كرة قدم مصرى و جامد قوى يجيلك عرض من ريال مدريد  و تقبل العرض و هذا الحلم هو امل كل لاعب مصرى  انت بتتكلم فى ايه يعنى دا ريال مدريد  المهم , انت قبلت العرض طبعا و فجأة و انت فى العرض التقديمى- اللى بيعمله النادى لتقديم اللاعب الجديد - عزرائيل يزورك  ( لااااااااااااااااااا  حراااااااااااااااام ) طيب ليه كدا  بجد يعنى العالم فيه حوالى ستة مليار واحد و بردو عزرائيل جابك انت من وسط الناس دى كلها  " تبا !"

ممكن ان تكون مثل جمال مبارك و ماما بترتبلك الحكم علشان تشيل بابا و تمسك انت و خلاص الحلم ابتدى يتحقق تقوم تحصل ثورة ( ايه يا عم الحظ دا العيال دى فاضية ولا ايه ؟ ) حظ عاثر ايضا  ربنا يكون فى عونك دلوقتى يا جمال دا ياريت على انك خسرت الحكم دا انت هتتحاكم كمان . عموما انت وش امك سمكة اصلا  و انا فرحان فيك .

يتبع ....

أمن الدولة

مجنون من يعتقد او يفكر اصلا بأن جهاز امن الدولة لابد ان يستمر فى عملة مع تغيير بسيط مثل تغيير الاسم او اعادة الهيكلة او قصر نشاطه على الارهاب فقط و الامن القومى فهذا هراء غير مقبول اطلاقا حيث تحدث فى ذلك عدد من رجال الداخلية السابقين و الحاليين مثل مساعد وزير الداخلية السابق الذى اصبح وزير للداخلية فأنه يرفض اصلا فكرة ان الضباط هم الذين قاموا بحرق الملفات حيث يقول “ ازاى الظباط هم اللى حرقوها هى بتدينهم يعنى ؟ “ , فكيف تطلب من رجل بهذا الفكر البالى ايضا كالذين سبقوه ان يقوم بحل هذا الجهاز الذى لا توجد اى وظيفة له غير التجسس على المواطنين و اشاعة الرعب فى نفوسهم و اعتقال المواطنين الابرياء بدون وجه حق , لن اطيل فى شرح الاساليب لان كل مواطن يعرفها (دا كفاية انك تسمع اسم امن الدولة  علشان تترعب ) .

لا احد منا يتصور مدى شيطانية عقول ضباط امن الدولة  فى ترك هذه الوثائق التى من شأنها ان تثير الوقيعة بين الشعب مسلمين و  مسيحيين و تثير ايضا الانقسام بين الشعب و بعض الصحفيين والاعلاميين الشرفاء الذين يقدره و يحترمهم الشعب لكى تحدث فتنة بين عناصر الشعب و لكى لا تستطيع ان تصدق احدا ممن يتكلمون عن الفساد او عن الحق .

الدليل على ذلك واضح فكيف تبرر عدم حرق كل الملفات مع انه كان هناك الوقت المناسب لذلك حيث ان يوما بأكمله كفيل جدا بحرق كل الملفات فى كل المقرات و لكن هم لم يقوموا بحرقها كلها فقد تركوا ملفات مزوة تدين بعض الشرفاء و تثير الوقيعة من العجيب اننا رأينا عثور البعض على ملف الرئيس المخلوع و لم يعثروا على ملف ابنه او ملف صفوت الشريف مثلا , و بعض هذه الملفات ربما يكون مكتوبا بعد التنحى ليحدث الفتنة و غيرها من الامور , و هناك ايضا بعض شرائط الفيديو التى لم تصاب بأذى بينما هناك ايضا شرائط مدمرة بالكامل فيكف تفسر لى ذلك ؟ هل لم يجدوا وقتا “ لسف “ هذه الشرائط ؟ لا يمكن ابدا .

من العجيب ايضا عدم العثور على اى من المعتقلين السابقين فى مباحث امن الدولة , البعض يقول انه قد قاموا بنقل هؤلاء المعتقلين الى اماكن اخرى باضبط كما نقلوا الملفات “الاصلية” الى اماكن غير معلومة ايضا ولا اعلم ايضا لماذا حدث ذلك ؟ هل لكى لا يعترف عليهم المعتقلين ؟ لا ادرى !  .

ان من يطالب ببقاء جهاز مباحث امن الدولة مع تغيير اسمه او اعادة هيكلته او اقتصاره على الارهاب و الامن القومى  , من الواضح ان انه لا يعرف عما يتحدث ولا يعقل اصلا , كيف يبقى هذا الجهازمستمرا بعد كل ما عرفناه و بعد ما رأينا و سائل التعذيب و كيف نعلم اصلا  انه يقتصر على الارهاب و الامن القومى فى حين ان جهاز امن الدولة يعمل فى سرية تامة  لا يعرفها اى مواطن  شأنه شأن المخابرات العامة  فكيف  تأمن على نفسك ايها المواطن مجددا بعد اعادة “ الهيكلة “ التى هى تغيير الشكل الخارجى فقط مع بقاء كل العناصر الداخلية  , حيث  سيبقى كل الضباط المتهمون فى التعذيب مجددا و سيبقى كل الموظفون و كأن شيئا لم يحدث ( بس احنا هنقول للظباط و النبى متعذبوش اخواتكوا المواطنين علشان بيزعلوا ) . هذا هراء و تخاريف اصحاب العقول المتعفنة من النظام السابق .

انا اطالب بحل هذا الجهاز و محاكمة كل من تعلق بالتعذيب و كل من أهان كرامة اى مواطن مصرى , انى اطالب بمحاكمتهم لكى لا يتركوا يعيثون فسادا فى البلاد  حيث انهم قد تعودوا على هذا العمل البشع و لا يمكن ان يتخلوا عنه بكل سهولة حيث اصبحت هذه طبيعتهم و طباعهم التى لن تتغير .

و لكل من يخافون على الامن القومى و مكافحة الارهاب فمن الممكن انشاء مؤسسة مستقلة مثل المباحث الفيدرالية الامريكية و يكون كل العاملين بها من اصحاب مؤهلات عليا و غير عاملين بالشرطة بحيث يأخذوا دورات او من الممكن ايضا ان نحضر خبراء لتعليمهم  حتى لا نقع مجددا فى عصابات اخرى تهين كرامة اى مصرى , فأننا لم نسمع قط بتعذيب المباحث الفيدرالية الامريكية لأى مواطن امريكى او غير امريكى , بل بالعكس انهم فى عهد الرئيس جورج بوش كانوا يحضرون من يريدون تعذيبه الى مباحث امن الدولة  و يستنطقونه  حيث ان التعذيب ممنوع فى الولايات المتحدة .

فى النهاية يجب ان اقول ان الشعب لن يهدأ الا بحل هذا الجهاز اللعين و محاكمة كل طاقمه الملوث بدماء المصريين الغالية و كفانا ثمانية و خمسون عاما نعيش تحت مظلة الرعب منذ مراكز القوى و حتى امن الدولة .

الجيش و الشعب ايد واحدة

Edit

الجيش و الشعب ايد واحدة

منذ نزول الجيش الى الشارع المصرى فى مغرب يوم الجمعة 28 يناير و  قد رحب الثوار بالجيش و هللوا و اطلقوا الصيحات و قالوا " الجيش و الشعب ايد واحدة " .

لا احد منا يستطيع أن ينكر العلاقة الوطيدة و الوثيقة بين الشعب و بين الجيش المصرى , فالجيش المصرى بمثابة الدرع الذى يقوم بحماية الوطن و الشعب و تتمثل مكانة الجيش فى الانتصارات التى حققها فى عام  ,1973 فالجيش منذ ذلك الوقت له المكانة العليا فى قلوب المصريين بدليل الاستقبال الحافل الذى حظى به الجيش بعد نزوله الى شوارع القاهرة و باقى المدن بعد خطة الانسحاب المفاجىء للشرطة و لكى يعلن حظر التجول و يسيطر على البلاد .

قد نزل الجيش المصرى من قبل فى عهد السادات اثناء " انتفاضة الحرامية " كما اطلق عليها السادات , قد نزل الجيش لحفظ الامن فى الشارع المصرى و هذا ما يتوقعه منه الشعب المصرى , الامان و الحماية ضد اى خطر و هذا دور الجيش .

اريد ان اؤكد فقط اننى لا اقلل من دور الجيش فيما سأقوله و لكن انا فقط ابرز بعض مواقف حدثت و لا اريد ان احدث توتر فى العلاقة بين الجيش و الشعب.

احداث يوم الاربعاء " يوم موقعة الجمل "  نعرف جميعا ما  حدث فيها من تجاوزات و بلطجة الخ , و هناك سؤال يوجهه كثير من الناس عن هذا اليوم و هو لماذا يقوم الجيش دائما بتفتيش المتظاهرين قبل دخولهم الميدان و لماذا لم يقوم الجيش  بتفتيش المؤيدين لمبارك " البلطجية " , و هذا السؤال يثير الجدل , انا اخاف ان اقول ان الجيش يتواطىء مع توابع و فلول النظام لأن الجيش هو القوة الوحيدة الموجودة فى مصر و هو ايضا الملاذ الوحيد فأذا خسرنا الجيش سوف نخسر الثورة فى اعتقادى الخاص .

 

من المواقف الأخرى التى من الممكن ان تظهر صورة الجيش بأنها ليست  جيدة و هى حادثة امس فى " لاظوغلى " عندما هجم البلطجية على المتظاهرين الذين كانوا يريدون اقتحام مقر امن الدولة و لكن الجيش ايضا رأى الموقف و لم يحرك ساكنا فما تفسير ذلك ؟؟.

و بعد رحيل البلطجية استخدم الجيش العصيان الكهربية فى تفريق المتظاهرين بالقوة و اطلق الرصاص بغزارة فى الجو , و لعلك تتسائل ايضا لماذا لم يقوم الجيش بتفريق البلطجية فضلا عن تفريق المتظاهرين ؟ , هذا الموقف بين الجيش و البلطجية يثير تساؤلات كثيرة حتى بين المدونين على المواقع الاجتماعية الذين يرددون منذ امس " الجيش و البلطجية ايد واحدة " .

 

ايضا هناك موقف مهم جدا ربما لم يلاحظه الكثيرون و هو انه ربما الجيش هو الذى يملى على رئيس الوزاراء اختيار تشكيل حكومته , فقد صرح د . احمد شفيق فى برنامج  "بلدنا بامصرى" ان الجيش طلب منه بقاء بعض الوزراء مثلما كان يفعل الرئيس المخلوع  و حتى بعد رحيل مبارك نرى ان رئيس الوزراء مجبر على اختيار بعض الشخصيات , فأين هى الديمقراطية اذن ؟ و اين هى مبادىء الثورة ؟ , و انى اشك ان د. عصام شرف من الممكن ان يعانى من سيطرة الجيش و من الممكن ان نلاحظ ذلك فى بقاء بعض الوزراء الذين يرفضهم الشعب  لانهم فاسدون و معروفين مسبقا و ايضا اعضاء فى الحزب الوطنى مثل " السيد مشعل " الذى رفضه الشعب بعد الاعلان عن الاسماء المرشحة للوزارة .

 

لماذا يستخدم الجيش هذا الاسلوب المتعفن مجددا " اسلوب التحكم و السيطرة " و لماذا يريد ان يبقى الاحتجاجات و يبقى الشعب فى الميدان يتظاهر بحقوقه ( نقول ثور يقولوا احلبوه ) ؟ هل هى فلول و ايدى النظام القديم مازالتتتحكم فى الدولة ؟ هل هناك قوى اكبر تتحكم ؟ ,  ام ان الجيش يريد من الثوار ان يستمروا فى الاعتصامات حتى تظهر الاصوات التى  تطالب بعودة المحتجين الى منازلهم لأنهم يعيقون الحركة  و يحدثون الزحام ( و بيعطلوا المصالح ) و كأن ميدان التحرير يعطل مصر كلها , و لأن الجيش يريد تسليم البلاد فى اسرع وقت ممكن لأن ليس مهمته القبض على الخارجين على القانون و غيرها من الوظائف المسئول عنها الشرطة الهاربة مثل الفئران .

هذه السرعة مفيدة فى حالة تكون مجلس رئاسى ( احدى مطالب الثوار ) فى هذه الحالة من الممكن ان نشكر الجيش على الرحيل حيث انه قد نفذ مطلب مهم و حيوى فى طريق تحقيق الديمقراطية التى ننشدها , و لكن اذا طلب الجيش السرعة فى اجراء انتخابات رئاسية عاجلة بعد ستة اشهر فهذا سيمنح الرئيس القادم نفس الصلاحيات و السلطات و هذا غير مقبول اطلاقا.

 

نهاية , لا اريد ان اشكك الناس فى الجيش و لكنى اذكر فقط بعض مواقف من الممكن ان تكون لها مدلول معين حيث تدعنا نفكر فى عمق عما يحدث حولنا و تدعنا ايضا نبذل كل جهودنا فى حماية الثورة  , ثورة شعبنا العظيم